About Me

She is the Counselling Psychologist and Special Educator by profession. She is an IELTS Trainer, English Trainer and Reiki healer too. She has done her majors from Cambridge University, London.…

Recent Posts

Categories

Teaching , ek Passion ya Profession

Hello friends, aaj Teachers’ Day ke occasion par main bhi kuch share karna chahti hoon. Main un sabhi parents ko dil se sorry aur thanks kahoongi jinhonhe mujhe ek naya nazariya diya , ek naya valid point diya sochne ka. Jo parents apne bachhon ke teachers ko sirf ek servant ( naukar) samajhte hain aur unse bahut galat behave karte hain, ye sochkar ki hum itne paise to de rahe hain, to ab teacher ko hamaari saari baatein sunni padegi.

Friends, aise behaviour kuch parents ka maine recently face kiya, aur uska mujhe buraa nahin lagaa. Lekin unki ye soch ne mujhe sochne par majboor kar diya ki aakhir unka aisa mindset kyun hua. Aisi kaun si wajah thi jiski wajah se wo sab teachers ke saath ek jaisa hi behave kar rahe the.

 

Haan doston, ismein galti unki nahin , kahin na kahin hamaari hi thi. Hum mein se hi kuch aise teachers bhi hain, jo sirf teaching ko ek profession ki tarah lete hain. Teaching ko sirf ek paisa kamaane ka zariya maante hain. Sorry, main kisi ko hurt nahin karna chahti, aisi koi intention nahin hai meri. Aur kuch teachers apni teaching ko apna kartavya, apna farz samajhte hain. Unka passion sirf bachhon ko padhana (teach) hi nahin hota, wo bachhon ko dil se apnaate hain. Unhe apna maante hain, unki problems ko mehsoos karte hain.

Ji haan friends, aise teachers bhi hain present. Lekin parents ne kuch teachers ki galti ki wajah se ye maan liya ki sabhi teachers ek jaise hote hain.Isliye un parents ko dil se ek baar sorry aur thanks bolna chahti hoon.

Aur koshish karoongi ki unki misunderstanding jaldi hi khatam ho.

Main hamesha se bahut lucky rahi hoon, teachers ko le kar. Mujhe hamesha bahut ache Guru mile. Jinhonhe mera marg darshan kiya, mujhe hamesha motivate kiya, confidence diya. Extra hours diye bina kisi problem ke, kabhi meri mam ne mujhe ye nahin kahaa ki ab mujhe ghar jaana hai. Mere saath wo bhi to apne 2 ghante deti thi mujhe. Mere Sir ne kabhi mujhe nahin kahaa ki ab library band karni hai.

Mere saare teachers ko Dil se “Sat Sat Naman” hai, jinki wajah se aaj main yahaan hoon, aur apne students ko bhi

waisi hi shiksha deti hoon bina kisi swarth ke.

HAPPY  TEACHERS’ DAY TO ALL THE WONDERFUL  TEACHERS !!!!!!

 

Leave a Reply

Your email address will not be published. Required fields are marked *